13ê adare de şaristanê Hamburgî yê Almanya de derheqê ziwanê kirdkî (zazakî) de panelêkê bi sernameyê ''Şînê Ziwanêkî Girewtiş'' do bêro kerdene. 

Nuştoxî Îsmet Bor û Lerzan Jandîl zî do sey qiseykerdoxî tewrê panelî bibê. Panel do saete 18:30 de dest pêbikero û panelî ra dima hunermend Mucahît Goker û Serdar Keskîn bi deyîranê xo yê kirdkî bivejîyê sehne ser.

Panel do di roniştişan ra bêro meydan. Roniştişê yewînî yê bi sernameyê ''Vizêr, ewro û sibayê Zazakî'' de nuştox Îsmet Bor do qisey bikero.

Roniştişê diyînî yê bi sernameyê ''Prosesê Standardîzekerdişê Zazakî'' de zî nuştox Lerzan Jandîl do qisey bikero. 

Zanayîşê derheqê ca û tarîxê panelî de wina yê:
Tarîx: 13ê Adare
Ca: Rote Flora, Achidi-John-Paltz 1 / Hamburg / Sternschanze