Şewa bîne salona Çalakîyan a Helebçe de bi wesîleya Şewa Yelda şayîyêke ameye kerdene. Xeylêk kesî tewrê ci bîyî û şayîye de hunermendî Mihemed Reuf Kerkûkî, Tara Resûl, Aryan Kerîm û çend hunermendê herêmî vejîyayî sehne ser.

Derheqê şayîye de Îdarekarê Heyetê Rewşenvîrîye yê Helebçe Mihemed Fetahî Rojnewsî rê qisey kerd û vat: ''Emşo şewa Yelda ya, şewa tewr derge ya. Bi na wesîle ma şayîye viraşte û waşt kêfweşîya xo bîyarê ziwan.''

Şewa Yelda şewa tewr derge ya. Her serre Şewa Yelda Kurdîstanî de bi aktîvîte û şayîyan yena fîrazkerdene.