Hîkayeya zerrî mi bi hawayêkê nimiteyî nêzdîyê ma bena. Sey şîîrêke, deyîrêke.Sey awa ke mîyanê vîrameyîşan ra herikîyena. Aramîya na awe de ma paştî xo danê nê rezikan: ''Munzur herikîyeno. Daristan gilê xo erzeno awe.'' O şîîra 'Seba Rûşen' de vano ''Dinya wa hînî sey waştişê zerrîya înan ba.'

Kitabê 'Kalbimin Hikayesi' (Hîkayeya Zerrîya mi) hetê Şîyar Dêrsim û Nûjiyan Munzur ra nusîya û Weşanxaneyê Meymanî ra vejîya. Beşê yewinî yê kitabî de şîîrê Atakan MAhîrî estê. Beşê diyînî yê kitabî de zî Şîyar Dêrsim û Nûjiyan Munzur ca dayo vîrameyîşanê Atakan Mahîrî.

Ma kitab de benê şahîd ke raywanê mana Elbîstanî ra şino Îzmîr û Îzmîrî ra şino koyanê Kurdîstanî. Uca de verê xo dano zerrîya Kurdîstanî Dêrsim. Etîk û estetîkê xoverdayîşî mîyanê cumleyanê xo de nimite yê. Çunke kamca de neheqî û bêedaletî estbo Mahîr Atakan uca de yo... Wexto ke ma goş danê nê rêçen, goş danê zerrîya xo ma destvistişê esaletî musenê.

Ma kitab de şimitişê awa heman çimeyî, bawerîya vilakerdişê heman sirrî hîs kenê. Ma benê şahîdê şefaqabê bêhempayan ê koyan. Kitab de hema çîyî hende gandar ê ke seke o ho embazanê xo yê raştîye rê qisey keno. Ma pîya çay wenê, helme gênê, xo kenê derg, huyenê. Çunke kitabê 'Kalbimin Hikayesi' gandar o.