Hozane Mizgîne (Gurbete Aydin) 11ê gulana 1992yî de Tetwan de şehîd bîye. Gurbete Aydin 1965 de Êlih de dadîya xo ra bena, yew di serran şina dibistane la dima pê tedaya feodale keyeyê ci aye dibistane ra gêno. Gurbete Aydin qetî cuya ke ci rê ameya ferzkerdene qebul nêkena. A hema ke domane bîye têgêrayîşê azadîye şinasnane û 1980 de tewra têkoşînî bena. A fikranê Rayberê Şarê Kurdî Abdullah Ocalanî pê pêro zerrîya xo qebul kena û derbazê warê Rayberîye yê Lubnanî bena.

Abdullah Ocalan vengê aye yê rindî keşf keno û seba xebatanê kultur û hunerî aye şaweno Ewropa. Hozane Mizgîne û Hozan Sefqan pîya xebatanê hunerî kenê, Koma Berxwedanî awan kenê. Hozane Mizgîne tîya de perwerdeyê îdeolojîkî zî vînena. A hem bena hunermende, hem bena şerwane hem zî bena fermandare. Hozane Mizgîne dima ke Ewropa ra agêrena eyaletê Mêrdînî de xebatanê rêxistinîye kena.

Hozane Mizgîne bi tewirê xo yê samimî û qerardarî hetê şarî ra zaf yena heskerdene, şarî rêxistin kena û têkilîyanê serkewteyan nana ro. Seba ke a şarî ser de hende tesîr kena bena hedefa dişmenî. Fermandara efsanewîye û hunermenda şorişgêre Hozane Mizgîne 11ê gulana 1992yî de Tetwan de netîceya xoverdayîşêkê pîlî de şehîd bena. 

Hozane Mizgîna ke pê cu, têkoşîn û xoverdayîşê xo bîya sembola şehîdanê têgêrayîşê kultur û hunerî, bîye venge raştîya kurdan. Bi hezaran domanê kurdê ke bi veng û muzîkê Şehîde Mizgîne pîl bîyê, koyan de sey aye şer kenê.