Hûmara hîrêyîne ya kovara teorî, huner û edebîyatî ya kirdkî Ewro vejîyaye. Na hûmare de nuştoxanê kovara dosyaya bi nameyê ''Cinîye'' amade kerde.

Hûmara yewîne û diyîne ya Kovara Ewroyî serra 2016î de vejîyaybî. Dima lijneyê weşanî yê kovare semedê meseleyanê ekonomîkan ra bire dabi ke tay mabên bido. Kovara Ewroyî bi temamî kirdkî (zazakî) weşanîyena û tede zafîn derheqê teorî, huner û edebîyatî ser o nîqaşî yenê kerdene.

 Kovare pê edîtorîya Ehmed Kirkanî de vejîyena û her hûmara de dosyayêke ser o yeno vindertene. Hûmara hîrêyîne de zî sena wendoxan dosyaya ''Cinîye ameye amadekerdene. Dosyaya ''Cinîye'' de edebîyatê kirdkî û eseranê kirdkî nasname û cayê cinîyan yenê ercnayene.

Rîyê prosesê Korona ra hûmara hîrêyîne ya Kovara Ewroyî nêameye vilakerdene la kovare înternetî ra eşkîyena bêra peydakerdene.

Lînkê seba peydakerdişê Kovara Ewroyî:

https://www.pirtukakurdi.com/Ewro-3-tr?search=kovara%20ewro