Bi wesîleya 15ê Gulane Roşanê Ziwanê Kurdkî  hunermend Dogan Çelîkî semedê wayîrvejîyayîşê kirdkî (zazakî/kirmanckî) veng da.

Çelîkî mesajê xo de bale ante rindîye û muhîmîya ziwanê kirdkî ser û vat: ''Roşanê kirmanckî û kurmanckî şarê ma rê fîraz bo. Ziwanê xo rê hes bikerê, qisey bikerê, bimusê, bimusnê. Pê ziwanê  xo biciwîyê û qiseyê xo bi kirmanckî vajê. Heskerdişê xo bi ziwanê xo vejê. Ziwanê ma rayîrê kalik û pîrikanê ma yo. Ziwanê ma dar û berê ma yo, koyê mayo.  Ziwanê ma çîçeka gula sosine yê ma yo.''