Hunermendanê kurdan ra Îtalya rê paştdayîşo bi 'Çaw Bella'
Hunermendanê kurdan semedê şarê Îtalya ke vîrusê Korona tesîro gird înan ser o kerd paştdayîşê xo bi klîbêkê 'Çaw Bella' ya kurdkî ramojna.
Mîzgîne Tayîr, Xelîl Xemgîn, Hasan Şerif, Dîlovan û Rotînda zî tede 40 hunermendanê kurdan semedê paştdayîşê şarê Îtalya ke Korona ra zaf tengayî ant deyîra “Çaw Bella” bi kurdkî vat. Peynîya klîbî de zî bi kurdkî û îtalyankî mesajê 'Ma tim pîya yê' ame dayene. Deyîre pelê Youtube yê MED Muzîkî de ameye parekerdene.
