Muzîsyenanê Rojawanî deyîra ''Nazê Nêrgiza Hewşê'' bi tewirê akapella vate û sey dîyarîya roşanî pare kerde.

Akapella terminolojîya muzîkî de sey ''a Cappelle'' rayvêrena û yena manaya muzîkê zaf bivengî. Herinda enstrumanan de vengê merdimî/e yeno şuxulnayene.

Deyîra ''Nazê Nêrgiza Hewşê'' ya ke muzîkê ci aîdê Mehmûd Berazî û vateyê ci aîdê Şêro Hindê yê hetê kayderdoxê tîyatroyî Şerwan Badînî ra ameye vatene û hetê Hunergeha Welatî ra ameye vilakerdene.

Deyîra ''Nazê Nêrgiza Hewşê'' ya ke reya verêne nê tewir de yena vatene medyaya sosyale de raştê eleqaya girde ameye.

Akkapella çekuyêka îtalankî ya û yena manaya 'tewirê dêrî' û semedê tewirê ronesan û konçertoyê barokî cêser bifîno ameye averberdene.

Seserra 19 ine de muzîkê dêran ê tewirê ronesansî exleb estrumantî şuxulnayene. Nê tewirî de  eynî muzîkî bêenstrumanan yenê vatene. Akapella tewr zaf muzîkê koroyî yê dêran de yena şuxlnayene. Reyna  muzîkanê Rock, Jazz, Pop, Rap, R&B de zî yena şuxulnayene.