Têgêrayîşê Kulturî yê Cinîyan Kevana Zêrîne Herêmanê Pawitişî yê Medya de konferansê xo yo 2. kerd.

Çar parçeyanê Kurdîstanî, Rojhelatê Mîyanênî û teberê welatî ra xeylê cinîyî tewrê konferansî bîyî. . Netîcenameyê konferansî ame eşkerakerdene.

Netîcename de ame vatene ke konferans de raporê karan ame wendene; xebat, kêmasî û qusurî ameyî ercnayene û nê bingeyî ser o nîqaşî ameyî kerdene. Dîya zanayene ke konferans de birê girîngî ameyî girewtene.

Kavana Zerîne pare kerd ke înan konferansê xo dîyarê şehîdan kerd û konferansê xo bi şîarê 'Serkêşîya cinîyan de û şerê şorişgêrî yê şarî de ma do şorişê cinîyan biresnê serfîrazîye' kerd.

Birê ke konferans de ameyê girewtene wina yê:

''-Hînî wext wextê Rayber Apoyî yo. Ganî cinîyê ke karanê kultur û hunerî de ca gênê wayîrê kesayetê Rayberîye bibê û xeta hunerê şorişgêrî bipawê.

-Ganî cinîyî vera hêrişanê sîstemanê otorîter û kapîtalîstanê ke qirkerdişê kulturelî kenê, bibê tirs. Ganî cinîyî vera sîstemê serdestîya camêrdan vinderê. Hêrişê sey qirkerdiş, tecawuz û remnayîşî ancax pê têkoşînê kulturê şorişgêrî yê cinîyan yenê vindarnayene.

-Ganî cinîyî xebatanê hunerî de ca bigêrê. Binê nameyê hunerî de cinîyî sey objeyê cînsîyî şuxilîyenê. Ganî cinîyî vera ney tewirê xo bimojnê.

-Erkê pêro cinîyan ê kurdan o ke bi hunerê şorişgêrî rind bibê û azad bibê.

-Xebatê kultur û hunerî yê sey edebîyat, resim, tîyatro ûsn. ganî serkêşîya cinîyan de bêrê kerdene.''