Çapo yewîn ê kitabê rojnameger-nuştoxê almanî yê bi nameyê 'Binkewtişê Modernîteya Kapîtalîste-Famkerdişê Felsefeya Sîyasetê Abdullah Ocalanî' mîyanê çend hewteyan de qedîya.

Nuştoxê kitabî Peter Schabero ke têkoşînê azadîye yê kurdan ê Almanya de ca gêno, wazeno ke bi nê kitabî fikr û nêzdîbîyayîşê Abdullah Ocalanî pêşkêşê şarî bikero.

Goreyê weşanxaneyê kitabî yê bi nameyê Unrastî çapo yewîn çend hewteyan de qedîya û kitab eleqeyêko pîl vîneno.

Nuştoxê kitabî Peter Schaberî ard ziwan ke ê do nêzdî de çapê diyînî amade bikerê û vat: ''No eleqeyê seba kitabî mojneno ke fikrê Ocalanî zaf bale ancenê. Sere de Almanya zaf welatî wazenê têgêrayîşê kurdan bişinasnê. Coka mi no kitab nuşt.''