Keso ke nê nuşteyî de qala ci bêra kerdene vengê ax, tarîx, bawerî, dej, bedel û utopya yo. 'Melek'ê keye û embazanê xo, Doktor Cûma, Şengalê embazanê xo, ronayox û solîstê Koma Amedî Avdilmelîk Şêxbekîr.

Wexto ke merdim reya verêne deyîra 'Kulîlka Azadîyê' ya Koma Amedî goştarî keno pê vengê xo 'Melekêk' beno meyman. Mi keyeyê Melekî reyde ke 28 serrî verê cû înan ra xatir waştbi dî û înan mi rê qala Melekî kerde.

Waka ci Samere wina qala ci kerdêne: ''Melek perwerê kurd û Kurdîstanî bi. Seba Kurdîstanî canê xo feda kerd. Emrê xo de nêheqîye qebul nêkerdêne.''

Dadîya Melekî Êdê 85 serrî ya û hesretê xo yê seba Melekî wina ard ziwan: ''Vanê koy nêreseno koyê bînî la merdimî resenê yewbînan. Pê hêvîyêke ez tim pabeyê ey bîya labelê o nêame. Hema zî ez ha pabeyê ci ya...''

Evdilmelîk Şêxbekîr kam o?

Serra 1968î de şaristanê Amûdê yê Kantonê Cizîrî yê Rojawanê Kurdîstanî de dadîya xo ra bîyo. Serra 1987î de Zanîngehê Hacettepe de dest pê fakulteyê tipî keno. Bala ey tim muzîk, resim û edebîyat ser o bîye. Serra 1988î de embazanê xo wendekaran reyde Koma Amed nano ro. Serra 1990î de derbazê Zanîngehê Çapa yê Îstanbulî beno û Koma Amed albumê 'Kulîlka Azadiyê' vejena. Melek seba awankerdişê Merkezê Kulturî yê Mezopotamya yê Îstanbulî karêkê pîlî keno. Serra 1991î de tewrê gerîlan beno û gulana 1992î de zî Engîzek de şehîd beno.