Komîteya Kevana Zêrîn pê eşkerayîyêke Hozane Mizgîne yad kerde ke Xerzan de şehîd bibî.

Eşkerayîye de nê çîyî ameyî vatene:

''Her endamêka Têgêrayîşê ma ya cinîyan destpêkî ra heta nika pê zanayîşî nêzdîya rayîrê Rayber Apoyî bena. Wexto ke ma sey cinîyan dormeyê hunerê şorişgêrî, estetîl û kulturelî de benê yew potansîyelêko pîl vejîyeno werte. Mîrasê ma yê têkoşînî mîrasê xoverdayîşî yo. Bi hezaran embazanê ma yê ke huner de mana kerde zêde koyan de zî rayraşîyayîşê hunerî aver berd. Wexto ke qala Mizgîne û Delîla yena kerdene, huner û xoverdayîşêko biheybet ê koyan yeno vîrê merdiman. Embaze Mizgîne huner kerd şorişgêr, cuye kerde weş û manaya azadîye kerde pîl. Aye pê xoverdayîşê xo rayberîya têgêrayîşê cinîyan kerde. Ma sey teqîbkerdoxanê aye têkoşînê aye roşnî bikerê.

Hozane Mizgîne 11ê gulane de koyanê Xerzanî de xoverdayîşêkê pê tewirê hunerî reyde tewra karwanê bêmergan bîye. Xerzan de pê kesayet û rayberîya xo tarîxêk nuşt. Mizgîne hem pê tewirê xo yê cinîye hem zî pê tewirê xo yê hunerî fermandarîya xo de zerrîya şarî de cayêko taybet girewt. Mîrasê xoverdayîşî yê serranê 80an o ke pê Hozane Mizgîne û Hozan Sefqan dest pêkerd pê Yekta, Vîyane, Peyman, Jînda Hewlêr, Hogir, Berçem, Sarya, Baran, Xelîl Dag, Delîla, Arjîn, Zinarîn, Fedakar û tewr peyên pê Hêlîne, Mustafa û Îbrahîmî koyanê azadan de dewam keno. Kevana Zêrîn netîceya nê xoverdayîşî de ameye ronayene. Ma do wayîrê mîrasê înan bivejîyê.

Rayberîye vana: 'Hunermendê ma ê kes ê ke neteweyanê koleyan de eşkenê adirê azadîye bivisnê ta û eke hewce bibo nê adirî de xo bivêşnê. Hozane Mizgîna şorişgêre no adir koyan de vist ta û mîyanê nê adirî de vêşaye û nameyê xo resna nê rojan. Ma sey teqîbkerdoxanê ci nê adirî geş bikerê û ma welanê xebatanê xo yê şorişgêran ê kultur û hunerî ra xo newe ra biafernê û pê serkewtişî nê kultur û hunerî tacîdar bikerê.

Ma 11ê gulane de sere de şexsê hunermenda pîl, şorişgêr û fermandare Şehîde Hozane Mizgîne de pêro şehîdanê kultur û hunerî yad kenê û ma sozê pîlkerdişê rayraşîyayîşê şorişgêrîye dibare kenê.''