Merkezê Ziwan, Kultur û Hunerî yê Arsîsa Wan de kursê kurdkî dayî destpêkerdene. Arsîsa de semedê domanan û pîlan kursî dîyenê.

Berpirsê xebatan ê Arsîsa Mehmet Batuyî pare kerd ke pê asîmîlasyon û qedexekerdişan yeno waştene ke ziwanê kurdkî bêro çinkerdene û na polîtîka ronayîşê Komareya Tirkîya ra nata polîtîkaa sereke ya dewlete ya.

Batuyî vist vîrî ke qeyûmî dişmenîya kurdkî kenê, kuçeyan, meydanan û cayan de nameyanê kurdkî wedarnenê û nê kerdişê înan bêhuqûqî ya.

Batuyî bale ante ser ke Arsîsa de semedê domanan sinifê taybetî estê û venga pêro keyeyan da ke vera asîmîlasyonî domananê xo bişawê kursanê kurdkî.

Batuyî vat: ''Ganî têna zereyê keyeyan de nê her warê cuye de kurdkî bêra qiseykerdene, berhemê kurdkî bêrê wendene û kurdkî bêra teqîbkerdene.''