Rojnuşteyê Gurbetellî Ersoza ke mîyanê têgêrayîşê cinîyan ê kurdan de sembolêk a, hetê hunermende Banuye Cennetoglu ra 145 lewhayanê kerra ya lîtografîyan ser o ameybî neqişkerdene û bi nameyê 'Mi Zerrîya Xo Koyan rê Neqişnaye' Muzeyê Hunerî yê Lozanî de yenê mojnayene.

Ersoze 27ê temmuza 1995î de tewra gerîlayan bîye û 8ê teşrîna verêne ya 1997î de şehîd bîye. Ersoze mabênê nê tarîxan de pêro hîs, fikr, serebût û macerayê xo rojnuşteyê xo rê qeyd kerdbî.

Roja verêne ya pêramotişê Lozanî de lewhayan eleqeyêko pîl dî. Pêramotiş heta peynîya nîsane do dewam bikero. Adresê pêramotişî wina yo: Plateforme 10, Musee cantonal des Beaux-Arts Place de Gare 16, 1003 Lausanne.

Pêromotiş Atina û Stuttgart de zî amebi kerdene.