Akademîya MA Muzîkî 5 serrîya xo salona Tîyatroyê Şaristanî yê Amedî de fîraz kerde. Endamê Akademîye, keyeyê înan û xeylê hemwelatîyî tewrê şayîye bîyî. Dengbêj Apê Ûsiv, dengbêj Serwan û perwerdekaranê akademîye pîya deyîrî vatî.

Şayîye de verî mamostayê MA Muzîkî Ferhat Ertaşî qisey kerd û ard ziwan qeyûman dezgehê înan qefilnayî, xebatê bi ziwanê kurdkî qedexe kerdî la rixmê ney zî înan xebatanê xo rê dewam kerd. Ertaşî vat: ''Ma bi îrade vera asîmîlasyon û hêrişan deyîranê xo vajê. Ma do domananê nê welatî bê muzîkî meverdê.''

Qiseykerdişî ra dima deyîrê bi kirdkî, kirdaskî û bi ziwananê bînan ameyî vatene. 

Dima plaketî ameyî dayene wendekaranê akademîye.  Şayîye pê deyîran qedîyaye.