Meclîsê Cinîyan ê DEM Partî netîcenameyê kombîyayîşê 20ê teşrîna verêne eşkera kerd ke kombîyayîş de xeta dewrê polîtîkî yê neweyî amebî nîqaşkerdene.

Netîcename bi kilmî wina yo:

''Şerê Rojhelatê Mîyanênî tewr zaf tesîrê cinîyan kenê û cinîyan kenê hedef. Îqtîdarê AKP-MHPyî seba ke xo tengasîye ra bixelisno keno ke têkoşînê azadîya cinîyan vila û pasîfîze bikero. Hetê bînî ra hêrişê sîstematîkî yê vera sloganê 'Jin, Jiyan, Azadî' zî dewam kenê. Vera nînan ma do têkoşîn û xoverdayîşê cinîyan bi torrêka enternasyonale pîlêr bikerê.

Çareserîya meseleya kurdan merkezê têkoşînê ma de ya. Rejîmo faşîsto ke Silopîya de hêrişê dadîyan keno, bi polîtîkaya bêcezaverdayîşî şîdetê camêrdan meşrû keno, tecrîdî xorin keno û şer de israr keno; vera ci ma do haştîya rûmetêne pîya awan bikerê. Her ke tecrîdê Îmraliyî xorinêr beno şîdetê vera cinîyan zî zêdîyeno.

Cînayetê vera cinîyan netîceyê polîtîkayanê sîstemê camêrdan ê. Ewro welatê ma bîyo mezelê cinîyan. Ma do vera polîtîkayanê bêcezaverdayîşî têkoşînî rê dewam bikerê û Peymana Îstanbulî ancî aktîf bikerê.

Ma do vera çete û mafyayanê dewlete cinîyan ê ciwanan reyde têkoşîn bikerê. Ma do  nê kiştoxanê dergûşan ra hesab bipersê.

Ma do destûr nêdê qanûnanê qetilkerdişî. Ma do tim wayîrê kedanê cinîyan vejîyê û destûr nêdê ke kedê cinîyan biwerîyê.

Ma do wayîrê heq û cuya xo vejîyê. Bi Jin, Jiyan, Azadî ma venga pêro cinîyan danê ke tewrê nê têkoşînî bibê, paştdayîşî pîlêr bikerê. Cinîya rêxistinkerde bihêz a, ma do bi hêzê xo yê rêxistinkerdeyî vurîyayîşî rê dewam bikerê.''