Komîteya Wezîran a Konseya Ewropa (KE)  kombîyayîşê xo yê peyêne de canêardişê heqê hêvî yê dewleta tirke sey binpaykerdişê heqan ercna û waşt ke Tirkîya na babete de gamêke bierza û  serrêke wext da Tirkîya. 

Koordînasyonê Têgêrayîşê Cinîyan ê Kurdan ê Ewropa  (TJK-E) seba ke komîte semedê vindarnayîşê îşkenceyê Îmraliyî gamanê pratîkan bierzo  ewro (21ê teşrîna verêne) dest pê kampanyaya mektuban kena.TJK-E derheqê kampanya de eşkerayîye daye û nê pare kerdî:

''Rayber Apo 26 serrî yo hucreyêk de binê tecrîdê giranî de yeno tepiştene û 43 mengî yo tîra xebere nîna girewtene.  Îmrali de teberê merdimîye de rejîmo ke taybet est o. Tecrîdê dewlete tirke yê vera Rayber Apoyî açarîya hêrişê qirkerdişî yê vera heme kurdan. No sîstemo faşîst tim vera cinîyan, ciwanan, kultur, ziwan, bawerî, tewirê cuye, xoza, estbîyayîşê kurdan hêriş keno.

Vera tecrîdê giranî 10ê teşrîna verêne ya 2023yî de bi desan merkezanê dinya de hemleya 'Abdullah Oclanî rê azadîye, meseleya kurdan rê çareserîya sîyasîye' dîyaye destpêkerdene. Ma kewtî serra dîyine ya hemla. Çalakîyanê serrêke fîkrê Abdullah Ocalanî dinya rê dayî şinasnayene û muhîmîya paştdayîşê enternasyonalistî vete werte.

Rayber Apo afiranyoxê slogana “Jin, Jiyan, Azadî” yo û emrê xo semedê azadîya cinîyan û şarê kurdî da. Hemleya Azadîye sey xebata tewr muhîme ya nê dewrî bi girdbîyayîşî dewam kena. Ganî sîstemê Îmraliyî cade bêro vilakerdene û Rayber Apo bibo azad. Ganî Komîteya Wezîran a Konseya Ewropa  qerarê xo newero bîgêro dest û sîstemê Îmraliyî raşt pênas bikero. Serrêke wextdayîş yeno o mana ke îşkenceyî nêvînayîşî ra yena. Ma na rewşe qebul nêkenê. Komîte ganî semedê vindarnayîşê îşkenceyî cade gamanê pratîkan bierzo.

Nê semedî ra  ma 21ê teşrîne verêne de çarçeweya kampanyaya "Tîrêjên Rojê" de  sey TJK-E Konseya Eropa rê kampanyaya mektuban danê destpêkerdene.Ma veng danê heme şaran ke Ewropa de ciwîyenê wa bi mektubanê xo patî bidê ma ke wa derheqê rewşa Rayberîye de hîsgêrîye bêro afirnayene. Wa mektubanê xo Sekreterê Pêroyî yê Konseya Ewropa ra bişawê û paştdayîşî xurt bikerê.

Bi na kampanya eynî wextî de ma startê seferbîyayîşê semedê mîtîngê Kolnî danê ke do 16ê teşrîna peyêne ya 2024î de semedê azadîya Rayber Apoyî bêro kerdene. Seba ke qerarê ke kombîyayîşê Wezîranê Konseya Ewropa de ameyî girewtene yewna serre cuwa pê ney cade bêrê caardene ma do têkoşînê xo xurtêr bikerê. Seba ke hêzanê komplokaran ra hesab bêro persayene sere de cinîyê kurdan ma veng danê şarê xo ke çarçeweya kampanyaya Tîrêjên Rojê de wa tewrê kampanyaya mektuban bibo  û 16ê teşrîna peyêne de kuçeyan pirr bikero. Têkoşînê ma yo ke serkêşîya cinîyan ê kurdan de gird beno do îşkenceyê Îmraliyî bikero parçe û semedê azadîya Rayber Apoyî meydanan de cewabê fazîmî bido.''