Mîkaîl Aslanî deyîra ''Zim û Zim'' ya Rencber Ezîzî vate
Hunermend Mîkaîl Aslanî pîya bi Cemîl Koçgîrî deyîra ''Zim û Zim''î ya Rencber Ezîzî vate. Vîdeoyî platformanê dîjîtalan de cayê xo girewt.
Hunermend Mîkaîl Aslanî hesabê xo yê medyaya sanale ra da eşnawitene ke ey albumê xo ''Rû bi Rû'' yo ke do aşma sibate de bivejîyo, yewna deyîra Rencber Ezîzî vata û vîdeoyê ci pare kerd.
Mîkaîl Aslan û Cemîl Koçgîrî pîya deyîra Zim û Zim ya Rencber Ezîzî vate. Vîdeoyî platformanê dîjîtalan de cayê xo girewt.
Mîkaîl Aslanî seba ke paştî daye ci birayê Rencber Ezîzî Hasan Berdibek û seba ke hetê ziwanî ra paştî daye ci Seyîdxan Kurijî rê spas kerd.
Mîkaîl Aslanî verî zî deyîrê ''Dilo Dilo'' û '' Way Way Nînna'' yê Rencber Ezîzî vatbî û nê wird deyîran zaf eleqeyo pîl antbi xo ser.
