Akademîya Ma Musicî startê Rojanê Ma Muzîkî yê 4. da ke na aktîvîte dîyarîya mîrê bilûrî Egîdê Cimoyî ameye kerdene. Aktîvîte qezaya Peyasî ya Amedî de ameye kerdene û xeylêk hunermendê ciwanî û roniştoxê Amedî tewrê şayîye bîyî.

Perwerdekaranê Ma Musicî ra Mesud Geverî şayîye de qala Egîdê Cimoyî kerde û da zanayene ke Egîdê Cimoyî kurdan rê mîrasêko pîl verdayo.

Şayîye de deyîrê Egîdê Cimoyî yê sey Lawikê Mêtînê, Berîvanê, Girê Sîra û deyîrê Radoyê Erîvanî ameyî vatene. Beşdaran pê çepikan paştî daye deyîran. 

Rojê Ma Muzîkî heta 9ê sibate do dewam bikerê.