Rêxistina Cinîyan ê Azadîwaştoxan (RJAK) çarçewa çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan de şaristanê Silêmanî yê Başûrê Kurdîstanî de pêramotişêk bi nameyê 'Sozê Cinîyan' ame akerdene. Pêramotiş de berhemê 20 cinîyan yenê mojnayene û pêramotiş de bi temamî 32 tabloyî estê.

Komîteya Amadekare ra Jêno Reşîd derheqê pêramotişî de qisey  kerd û îfade kerd ke ê armanc kenê ke berhem û hunerê cinîyan bimojnê û hîsanê cinîyan bîyarê ziwan.

Ressamêka pêramotişî Derûne Sebir zî ard ziwan ke a tabloyanê xo de bale ancena goristanê bêkesan ê cinîyan o ke kes wayîrê ci nêvejîyeno. Derûne vat ke cinîyî wexto ke mirenê zî bê nasname yê.