Rojawanê Kurdîstanî de zî çarçewa tedbîranê vîrusê Korona de qedexeyê tebervejîyayîşî amebi îlankerdene. No qedexe bi sebebê tay vurîyayîşan. Tay ciwananê halebijan qedexeyê tebervejîyayîşî vurna firsendêk bîyî komêke û projeyê bi nameyê ''Efrîn Art'' amade kerd. Proje de 27 hunermendî ca gênê ke înan pê rayîrê medyaya komelkîye têkilîye ronaye. Hunermendî yewbînan reyde tecrûbeyanê xo pare kenê.

Endama kome ra Royare Bekîr dêsanê oadaya xo ser o resiman xêz kena, dima zî nê resiman embazanê xo yê kome de pare kena û rexne û pêşnîyazanê înan gêna. Pê proje yeno armanckerdene ke hunermendî tecrubeyanê xo yewbînan reyde pare bikerê û bikerê ke derheqê hunerî de semînaran bidê. Kome taxanê Şêxmeqsûd û Eşrefîyê de huner kena. Royare ana ziwan ke a pê xebatanê kome kêfweş a û ê do heta peynîya qedexeyî projeyê xo bîyarê ca.