Fatîh Şahîn resimanê xo de gol, koy, cayanê tarîxîyan û xozaya Wanî neqş keno û wazeno ke Wano ke serranê peyênan dewleta tirke zaf zerar da ci vîr û mezgê merdiman de biverdo. Şahîn domanîya xo ra nata resiman virazeno û pê keda xo pê nê hunerî yeno şinasnayene.

Şahînî vat ey reya verêne resimê kerrayanê gol û çeman viraştî. Şahînî vat: ''Mi kerrayan ser o sembol, fîgur viraştêne û mi xoza zî înan ser o neqş kerdêne. Hunerê resimî wayîrê tarîxê 40 hezar serran o. Ez nê hunerî çewî ra nêmusaya, ez hunerê mandala ra ber xebata tuvalî û dêsan zî virazena.

Mi ge ge Sîmurg, Ahûra Mazda, Îştar, Şahmaran û Kawa xêz kerdî ke ez pê nê hîkayeyan bîya pîl. Ez Extemara, Kelaya Wanî, xezalan û gûleran zî xêz kena.''

Şahînî ard ziwan ke ê pîlanê xo ra musayê ke viraştişê resiman guna yo û nê karî karê camêrdan nîyê. Şahînî vat: ''Tarîx de tim vera ma kolonyalîzm ame caardene, ma qirkerdişî dîyî, ameyî asîmîlekerdene, nasnameyê ma ameyî qedexekerdene. Kurdan zî tim vera nînan xo ver da û nika zî ez pê resimanê xo xo ver dana.''

Şahînî tewr peyênî de vat o karê xo seba pereyen nêkeno; o wazeno ke qalqa xozaya Wanî pê resimanê xo neqlê neslanê bînan bikero.