Ressam Ercan Altuntaş 5 serran ra nata kuçe û keyeyanê Sûrî xêz keno ke nê cayî ameyî texrîbkerdene. Altuntaşî waşt ke vera nê vîrakerdişî pê resimanê xo xo ver bido coka dest pê xêzî kerd. Ressam Altuntaş bale anceno ser ke vîrê Sûrî yo ke ruh, kultur û nasname dayî şaristanê Amedî ame çinkerdene.

Qezaya Sûrî ya Amedî nê 5 serranê peyênan de zaf rijîyayîş, texrîbatî dîyî, se ra 87ê Sûrî gêrîyayî binê malanê umûmîye. Altuntaş visneno vîrî ke wexto ke nê texrîbatî ameyî kerdene seke şaristan de şînêk estbi.

Altuntaş vano: ''Mi waşt ke ez vera nê vîrakerdişî pê resimanê xo vîrardişêk awan bikera. Awanîyê ke nasnameyêk danê mekan ê cay ê ke tede kultur ciwîyeno. Ez pê xebata xo kena ke nê mekanan bida ciwîyayene, aîdîyetê înan bipawa û neslanê bînan rê biverda. Wexto ke ez resimanê xo xêz kenê her tim rastê hîkayeyêka bînî yena. Sûr de her çî polîtîk û veravejîyayîş o. Hetêkî ra nîqaşê asîmîlasyonî, teda dewam kenê la hetê bînî ra zî merdimî vîrê xo ra benê dûrî. La ma tîya de yê, Sûr de çi qewimîyo ma şahîdê ci yê û ma nêeşkenê wina têbigêrê ke çîyêk nêqewimîyayo.''