Komeleya Cigêrayîşanê Kurdkî do seba domanan kargehê kirdkî û kurmanckî bida destpêkerdene. Kargehî do 18ê êlule de dest pêbikerê û bi qasê 12 hefteyan dewam bikerê.

Kargehî do seba her di lehçeyan cîya bibê. Hem seba kurmanckî hem zî seba kirdkî kesê ke serrê înan mabênê 4 û 6î de bibê eşkenê beşdarê koma yewine bibê. Domanê ke kurdkî zanenê do na kome de dersan bigêrê. Koma diyene zî seba kesanê 7-10 serrîyan a. Kesê ke kurdkî bizanê yan zî nêezanê zî eşkenê beşdarê na kome bibê û dersan bigerê.

Kargehî do bi onlineyî bêrê dayene.