Qaymeqamîya Cizîre bîlasebeb mojnayîşê kayê tîyatroyî ''Mem û Zîn'' yo ke 12ê adare de hetê Şermola Performansî ra do biameyêne kaykerdene, qedexe kerd. Sendîkaya Kaykerdoxan derheqê babete eşkerayîye daye.

Eşkerayîye de nê ameyî vatene: ''Kayê ''Mem û Zîn'' yo ke hetê Şermola Performansî ra yeno kaykerdene û rejîsorîya ci endamê ma Mîrza Metinî keno hetê Qaymeqamîya Cizîre ra ameyo betalkerdene. Kayo ke par 13 rey ameyo kaykerdene, kîraya heyete ameya dayene û bîletê ci ameyî rotene, betalkerdişê ci sansur o. Ma do derheqê qeraro ke ameyo girewtene de mercîyanê eleqedaran ra zanayîş bigêrê û prosesî teqîp bikerê.''