Têgêrayîşê Kulturê Kurdan TEV-ÇANDî û Kevana Zêrîn hunermende û gerîla Hozane Mizgîna ke 11ê gulana 1992î de şehîd bîye bi eşkerayîyêka hempare yad kerde.
Eşkerayîye bi kilmî wina ya:

''Embaze Hozane Mizgîne (Gurbete Aydin) 1962 de dewa Bilederî ya Êlihî de dadîya xo ra bena. A seba ke xelas xeta fedayî ya PKKyî de vînena bire dana ke tewra têkoşînî bena û serra 1970î de verê xo dana koyan. Embaze Mizgîne wextêkê dergî Vakurê Kurdîstanî de şorişgêrîye kerde, dima Lubnan de 'Warê Rayberîye' de xo aver berd, pê vengê xo yê rindî tewra xebatanê kulturî û îdareyî yê Ewropa bîye. Embaze Mizgîne Ewropa de awanîya HUNER-KOM û Koma Berxwedan de ca girewt, deyîrê stranên Çemê Hêzil, Lo Hevalno, Gundîno Hawar, Şoreşger û Newroze vatî.

Dinyaya hîse ya şorişgêrîye ya Hozane Mizgîne manayêka cîya daye rêxistinîya şarî. Embaze Mizgîne pê fikr, çalakîyanê xo bîye wayîra şexsêka pêroyî. Şexsê Hozane Mizgîbe de estetîko manewî, krîterê hunerî bîyî besteyêka zelale ke tira azadîye herikîyena. A bîye vengê xoverdayîşî û hêvîya şarî.

Aye wextêk Fermandarîya Eyaletê Mêrdinî kerde, mîyanê PKKyî de bîye fermandara cinîye ya verêne. Aye Xerzan de metodê zengînî ceribnayî. Seba ke herême de aktîf bîye, verê dişmenî girewtêne 11ê gulana 1992î de dişmenî dormeyê ci girewt. Embaze Mizgîne xoverdayîşêko pîl kerd û seba ke nêkewa destê dişmenî çalakîya fedayî kerde û tewra karwanê şehîdan bîye.

Dima nameyê ci Kurdîstan de dîya xeylêk domanan. Her netewe wayîra çêranê xo ya. Embaze Mizgîne zî bîye çêra kurdan û nameyê xo pê herfanê zêrînan zerrî û tarîxê kurdan ser o nuşt.

Şar pê 3 erjanê bingeyînan esto; ziwan, kultur û nasname. Şehîde Mizgîne ziwan, kultur û nasname yo. Çunke a bîye şar, komel. A cuya xo de bîye wayîra armanc û çalakîya pîle. Bîye şorişgêrêka bêmerge.

Ma do şexsê aye tim xo rê bikerê esas û şexsê aye de pêro şehîdanê menga gulane û şehîdanê şorişî bi rêzdarî û minetî yad kenê.''