Tîyatroyê Şaristanê Amedî atolyeyê bêpereyî organîze keno

Tîyatroyê Bajarî yê Amedî, atolyeyê bêpere ke perwerdeyîyê tîyatro zî mîyan de ca gêno, organîze keno.

Tîyatroyê Şaristanê Amedî ke her serre Amed de bi xeylêk kaykerdoxan vejîyeno vernîya temaşekerdoxan, bi paştdayîşê Enstîtuyê Goetheyî perwerdeyê tîyatroyî zî tede atolyeyê bêpereyî do organîze bikero. Kesê ke emrê înan 18 serre yo eşkenê beşdarê atolyeyî bibê û kontenjan bi 20 kesan sînordar o. Muracatî do 13ê êlule de biqedê. Muracatan ra dima 18 û 19ê êlule de weçînayîş do bêro kerdene

Tîyatroyê Şaristanê Amedî atolyeyanê sey Clown, Pandomîm, Hereket û Dans, Bûkoke, Jonglor û Nuştoxîya Dramatîk de dersê Kaykerdişê Bingehîn, Veng û Kondusyon, Tarîx û Têoriyê Tîyatroyî, Analîzê Metnê Dramatîk, Rîtm û Perwerdeyîyê Vengî do bido beşdaran.

Kesê ke wazenê beşdarê xebatê atolyeyî bibê eşkenê muracatê Tîyatroyê Şaristanê Amedî yê  qezaya Peyasî bikerê û sewbîna eşkenê name, peyname û numareyê telefonî adresê maîlê xo ra  [email protected] rê bişawê û muracat bikerê.