Hûmara 150. ya Kovara Nûbiharî vejîyaye ke 28 serran ra nata 3 megan de yew weşanîyena. Kovara Kulturî û Hunerî ya Nûbihar bi kirmanckî û kurmanckî weşanîyena. Na hûmara Nûbihar de şaîr Berken Bereh, Rojên Barnasi Recep Dildar, tarîxnas Rohat Alakom, nuştox Abdullah Încekan, Konê Reş, Mûrad Celalî, Kinyazê Îbrahîm, Salihê Kevirbirî, Hêmin Omar Ahmed, Shahîn Bekîr Soreklî, Nîhat Gultekîn û Şemoyê Memê ca gênê.

 Kovara Nûbiharî teşrîna verêna 1992î de reya verêne weşanîyaye. Suleyman Çevîkî destpêkî ra nata kovare de xebitîyeno û nika zî Mudirê Karê Nuışteyan ê Kovara Nûbihar o. Kovara Nûbihar hûmara xo ya yewîne ra nata xeta xo ra fek vera nêda. Suleyman Çelîkî ard ziwan ke ê seba ke vera asîmîlasyonî vinderê bi firsendanê kêman kewtî rayîr. Çevîkî îfade kerd ke xizmetê bi kurdkî wezîfeyê înan ê coka ê nêeşkenê mînetê na xebate bikerê. 

Çevîkî da zanayene ke atmosferê şerî ra rewşa weşangêrîya kurdkî baş nîya la serra peyêne de reyna yew ganîtîye esta. Çevîkî eşkera kerd ke çend zor zî bibo ê do dewam bikerê ke kovara xo çap bikerê. Çevîkî bale ante ser ke seba ke kurdkî aver şora ganî yew statuyê ci yo fermî bibo.