Mêrdîn de kayê tîyatroyî yo kurdkî Tartuffe yo ke ameyêne pawitene ke emşo hetê Tîyatroyê Bajarî yê Amedî bêro kay kerdene hetê Walîtîya Mêrdînî ra ame qedexekerdene. Qerarê qedexeyê çalakî û aktîvîteyan sey sebebê qedexeyî ame mojnayene.

Seba ke Walîtîya Mêrdînî destûrê kayî nêda Tîyatroyê Bajarî yê Amedî da zanayene ke înan rîyê qedexeyî ra kay îptal kerdo. Organîzatoran zî vat: Ma semedê destûrî muracatê Walîtîye kerd la bi bahaneyê janê Korona destûr nêdîya. Ma zanê ke seba ke ziwanê kayî kurdkî yo ame astenkerdene. Serranê peyênan de zextê vera kurdkî zêdîyenê. Mêrdîn de tim programî estê la gama ke babete bena kurdkî û kulturê kurdan qedexeyî cade kewnê dewre.