Biharîne Sînoya 32 serre dewa Husê ya qezaya Mabata ya Efrînî de domanîya xo ra nata resim reyde eleqedar bena. Biharîna ke serra 2010î de perwerdeyê resimî girewt seba ke xo aver bêra bîye beşdara Akademîya Yekta Herekolî ya Têgêrayîşê Kevana Zêrîne.

Biharin Merkezê Kultur û Hunerî yê Efrînî de dersê resimî dayêne domanan la îşxalê dewleta tirke de neçare menda ke Efrînî ra koç bikera. Biharîne nika taxa Şêxmeqsûdî ya Halebî de ciwîyena û xoverdayîşê xo pê hûnerê xo dana dewamkerdene.

Biharîne huner sey xoverdayîş name kena û vana: ''Dima ke mi Efrînî ra koç kerd mi bira daye ke Xoverdayîşê Serdemî pê resimanê xo bimojna. Seba ke bale bêra antene fedekarîya şehîdanê Xoverdayîşî Serdemî, mi dest pê xêzkerdişê portreyanê înan kerd. Ez nê tabloyan do dîyarîya keyeyê şehîdan bikera.''

Biharîne Merkezê Kultur û Hunerî yê Cemîl Horoyî de xebata xo dewam kena û roja îneyî, şemeyî û yewşemeyî ders dana domanan.