29ê çeleyî de kuçeyê Îstîklalî yê Îstanbulî de polîsan mudaxeleyê deyîrbazanê kurdan kerdbi. Nêrazîbîyayîşanê pîlan ra dima Mudirîya Asayîşî ya Îstanbulî îdîa kerdbi ke mudaxele trafîkî ra sebeb bi.

Hunermendê Merkezê Kulturî yê Mezopotamya (NÇM) Talat Yeşîlî derheqê babete de ANFyî rê qisey kerd.

Yeşîlî vist vîrî ke polîsan zaf reyî hunermend û aktîvîteyê NÇMyî asteng kerdî û vat: ''Çend reyî konserê ma ameyî betalkerdene. Konsera ma ya seba serrgêra 30. emser ameye betalkerdene. Kenê ke ma nêvejîyê verê şarî. Kurdkî hema zî Meclîs de sey ziwanê kurdkî derbaz bena. Coka wa çewî trafîk bahane mekero. Na polîtîkayêka dewlete ya ke 100 serrî ya dewam kena. Na hişmendîye hişmendîya tekpereste û faşîst a. Eke qedexe esto wa seba her kesî estbo, têna seba kurdan nê. Kuçeyê Îstîklalî de her kes bi ziwanê xo deyîran vano la têna deyîrê kurdkî nênê qebulkerdene.''

Yeşîlî pare kerd ke nêrazîbîyayîşî girîng ê la qîm nêkenê. Yeşîlî vat: ''Ma seba kurdkî statuyêkê fermîyî wazenê. Wa kurdkî Qanûnê Bingeyî de bêra pawitene. Kultur gefêk nîyo, dewlemendî ya. Ganî pêro merdimî her ca de wayîrê kulturê xo vehîyê û aver berê. Ma do heta peynî ziwanê xo bipawê, aver berê û hunerê xo bi ziwanê xo virazê.''