Heyetê Îdareyê Zanîngehê Rojawanî pê wesîleya 15ê Gulane Roşanê Ziwanê Kurdkî keyepelê xo yê înternetî de mesajêk weşana.

Mesaj pê pêro dîyalektîkanê kurdkî; kurmanckî, kirdkî, sorankî, hewramkî, kelhûrkî, lekî û lorî weşanîya.

Mesaj wina yo:

''Ziwan o cewher o ke xo dayo teber û bîyo veng, bîyo riste û bîyo cumle. Ziwan, rengdayîşê cewherî yo. Ziwan, baxê kultur û hunerî yo. Naye ra her şar û komel bi ziwanê xo yeno naskerdene. Coka ziwan estbîyayîş û nasname yo.

Ziwanê Kurdkî zî ziwananê tewr kahanan ê dinya ra yew o. Ê ziwanan ra yew o ke kulturê dinya yê tewr kahanî zereyê şana xo de nimneno. Rixmê heme êrişanê helênayîş û asîmîlasyonî zî na dewlemendîye weye keno û payan ser o yo. Ma zî sey Heyetê Rayberdişî yê Zanîngehê Rojawanî ke zanîngehêko kurdkî yo û mîyanê xoverdayîşêkê tarîxîyî de rewêyayo, vanê ke estbîyayîşê ma nîşaneyê binfînayîşê sîstemê asîmîlasyonî yo.

Na roja tarîxîye de ma vanê ke xorîyîya tarîxî ra heta bi Elî Herîrî û Baba Tahîrî, Ehmedê Xanîyî û Nalî û Mewlewî ra heta bi Gîv Mûkiryanî û Kovara Hawar û roja ma ya ewroyî ma pêro kedkaranê Ziwanê Kurdkî û Roşanê Ziwanê Kurdkî pîroz kenî. Vengdayîşê ma no yo ke cewher û ziwanê xo rê wayîr vejîyê…”