Dengbêjan Parkê Koşûyolûyî de şewe weş kerde
Dengbêjî şewa bîne Parkê Koşûyolûyî de beşdarê programê “Şayîyê Hewayê Akerdeyî” ya Şaredarîya Bajarê Pîlî ya Amedî ya “Cuye yê ma ya, vatiş ê ma yo” de cemêyayî û şewe weş kerde.
Şaredarîya Bajarê Pîlî ya Amedî peynîya her hewteyî programê “Şayîyê Hewayê Akerdeyî” yê bi nameyê “Cuye ya ma ya, vatiş yê ma yo” virazeno.
Şewa bîne zî Parkê Koşûyolûyî de programî bi deyîranê dengbêjan dewam kerd. Xeylî dengbêjî tewrê şewe bîyî û heta ereyîya şewe deyîrî vatî. Dengbêj Devrîm Demîrî şewa bîne estanika “Mîrze Mihemedî” vate û bale ante xo ser. Dengbêj Mihemedê Kortepe, Mihemedê Birikî û Mihemedê Hezanî zî bi deyîranê xo bale ante.
