Gerîlayê HPGyî Akîf Bagoko (Abdurrahman Erçîk) ke tarîxê 30ê Êlule 2018 de Koyê Bagokî de şehîd kewtibi 3 mengî dima cenazeya ê dîyaye keyeyê ci. Cenazeya Bagokî Goristanê Morrîse yê Nisêbînî de amî definkerdene.
30ê Êlule 2018 de pêkewtişanê Koyê Bagokî yê pabesteyê qezaya Nisêbînî ya Mêrdînî de 2 gerîlayanê HPGyî Medya Mawa (Emîne Kaya) û Akîf Bagokî (Abdurahman Erçîk) cuya xo vîndî kerdebî. 15 rojî dimayê şehadetê ci ra cenazeya gerilayê HPGyî Akîf Bagokî (Abdurahman Erçik) Goristanê Bêkesan ê Mêrdînî de amîbî definkerdene. Ê wextî mîyan de keyeyê ci testê DANN kerd û netîceyê testî de vejîya ke cenaze aîdê înan a. Keye seba ke cenaze bigîro şi Goristanê Bêkesan ê Mêrdînî.
Dormeyê goristanî bi polîs û wesayîtanê zirxinan ame girewtene, polîsan teberê keyeyê ci de nêverda ke çew tewrê cenaze bibo.
