Amed de vizêr polîsan reyna hêrişê grevê vêşanîye kerd

Bajarê Amedî de grevê vêşanîye ke vizêr serê sibayî newe ra dest pêkerdibi reyna hetê polîsan ra ame sereştene. 50 tenî çalakwananê grevê vêşanîye ra ameyî destbendkerdene.

Amed de vizêr polîsan reyna hêrişê çalakwananê grevê vêşanîye kerd, 50 tenî destbend kerdî. Îdarekaranê HDPyî veng da şarê Amedî û hemeyê şarê Amedî dawetêvernîya banê HDPyî kerdî.

Amed de vizêr rixmê hêrişê polîsan, newe ra seba wedartişê tecrîdê serê Rayberê Şarê Kurdî Abdullah Ocalanî û paştîdayîşê çalakîya Leyla Guvene grevê vêşanîye ame destpêkerdene. Polîsan hetê şanî de hêrişê zereyê banê HDPyî kerd û hemeyê çalakwanan destbend kerdî.

Parlamentera HDPyî ya Amedî Remzîye Tosune verba polîsan vinderte û va ke: “Nê hêrişê şima  bêhuqûqî yê.‘‘

Wexto ke polîsan calakwanan berdêne, hemeyê înan  sloganê xoverdayîşî eştî. Hetê bînî ra polîsan dormaleyê banê HDPyî zî girewtî binê ablûqa û nêverdenê ke tu kesverê banê HDPyî de bivindero.