Meclîsê Ciwanîye yê HDPyî yê Dêrsimî hemverê tepişîyayîşê 3 endamanê xo de reaksîyon ramot. Ame zanayene 16 endamê ke ameybî destbendkerdene prosesê destbendkerdişî de mexmela wendekarêka cinîye bizor serreyê ci ra ameya vetene.
Meclîsê Ciwanîye yê HDPyî yê Dêrsimî derheqê destbendkerdişê 16 endamanê xo de û înan ra tepişîyayîşê 3 kesan de eşkerayîyêka nûştekîye daye. Eşkerayîye de ame vatene ke bicaardişê zordarî serê ciwanan de bi vêşîbîyayîşî dewam kenê û wazenê ke ciwanan bieciqnê.
Eşkerayîye de ame vatene ke ciwanê ke ameyê destbendkerdene rê binê nameyê “Sohbetî” de ajanîye amîya teklîfkerdeme û nê vajîyayî: “Prosesê destbendkerdişî de mexmela yew embaza ma ya bimexmele serreyê aye ra bizor ameya vetene. 3 embazê ma ameyê tepiştene. Tu delîlêk seba tepişîyayîşê înan çino.”
‘ZEXTÎ NÊTERSNENÊ’
Meclîsê Ciwanîye yê HDPyî yê Dêrsimî vat ke destbendkerdiş û tepiştişî do çirey înan dir ters û şikyayîşan nêvirazê û mucadeleyê xo rê dewam bikerê. Meclîsê Ciwanîye veng da heme ciwanan ke hemverê zextan de mucadele bidê.
SEBA KEYEYÊ SAKARYA SERWEŞÎ
Peynîya eşkerayîye de ame vatene ke Sakarya de seba kurdbîyayîşî kişîyayîşê Kadîr Sakçiyî û birîndarbîyayîşê lajê ci Burhan Sakçiyî mîsalêkê faşîzmî yo û keyeyî rê serweşî amî waştene.
