MEBYA-Derî çalakîya xo ya nê hewteyî Goristanê Yenikoyî yê Baglarê Amedî kerd.Keyeyê gerîlayê HPGyî Ulaş Çelîkî yo ke cenazaya ci Goristanê Kîlyosî de ya û îdarekarê komele tewrê ci bîyî.

Hemserekê MEBYA-Derî Şeymus Karadagî vat: ''Ulaş Çelîkî 1996î de pêkewtişê Bedlîsî de cuya xo vînî kerde û Goristanê Garzanî  de ame definkerdene. 261 cenazaya ke Goristanê Garzanî ra ameyî vetene û kişta Goristanê Kîlyosî de ameyî definkerdene ra yaw cenazaya Ulaşî ya. Keyeyê Ulaşî 2018î de semedê testê DANN gonî daye la hema zî netîceyêke nêgirewt.''

Dayîke Nazmîye Kaya zî  bale ante serê bombardumankerdiş û rijnayîşê goristanan ser û vat: ''Hînî bes o. Wan ê domanî nêmirê. Qet vîjdanê şima çîn o. Ma esteyanê domananê xo wazenê. Esteyanê lajê mi bidê.''