Partîya Herêman ê Demokratîkan (DBP) Salîha Aydenîz û Keskîn Bayindirî Halîse Aksoya ke ameye destbendkerdene û badê îfadedayîşî ameye veradayene zîyaret kerde.

Cenazaya lajê Halîse Aksoy gerîlayê HPGyî Egîd Îpekî yo ke Dêrsim de 2017î de şehît kewt, pê kargo ci rê ameyebî şawitene. Halîse Aksoya ke 23ê kanûne de bi derbkerdişî ameye destbendkerdene û badê 4 saetî îfadedayîşî serbest ameye verdayene hetê Salîha Aydenîz û Keskîn Bayindirî ra ameye zîyaretkerdene. DBPyî hesabê xo yê medyaya sosyale ra da zanayene ke hemserekanê înan Halîse Aksoy zîyaret kerde û  ci rê kefaret waşt û vat: ''Ma nê zulmî qebul nêkene, şermezer kenê. Şima mela zulmê xo de bifatisyê.''