Gerîlaya YJA-Starî Dorşîne Rûbar Amed û Gerîlayê HPGyî Dêrsim Sakîneyî serrgêra ci de çalakîya fedayîye ya Vîyane Soran ANFyî rê ercnaye.

Dorşîne Rûbar Amed vat: ''Çalakîya Vîyane Sora dewamê çalakîya fedayîye ya Zîlan a.  O çax vera Rayberîya ma esaretêko pîl ameyêne kerdene. Embaze Vîyane pê çalakîya xo vera tasfîyeya zereyî tewirêko tarîxî mojna. Çalakîya Vîyane Soran zaf girîng a, vera komployî qîrayîşê wijdanê merdimîye yo. Sey teqîbkerdoxanê Vîyane Soran ma do têkoşînê xo bi qerardarî bîyarê ca. Ma heta nika bedelê giranî dayî û eke hewce bibo ma do hîna zaf bedelan bidê. Se beno wa bibo serkewtiş ê ma yo.'' 

Gerîlayê HPGyî Dêrsim Sakîneyî vat: ''Embaze Vîyane pê tewir û cuya xo tesîrê ma pêroyînan kerd. A seba şarê Başûrî, cinî û ciwananê çar parçeyanê Kurdîstanî sey yew sembol a. Sey gerîlayanê HPGyî ma pê ruh û îradeyê Vîyane Soran tewrê têkoşînî benê. Çalakîya aye mesajêko xurt bi û vengdayîşê têkoşînî bi. Ma sozê xo dibare kenê ke çi hewce yo bîyarê ca.''