Merkezê Îrtîbat û Çapemenîye ya HPG’yî bi eşkerayîyêk derheqê çalakîyanê gerîlayan û hêrişanê artêşa Tirkî de zanayîş da.
Eşkerayîya HPG’yî de ca dîya nînan:
''Çarçeweya Hemleya Şorişgêra ke Eyaletê Serhadî de yena domnayene de 5’ê Teşrîna Verêne de hêzanê ma semedê şermezarkerdişê komploya 9’ê Teşrîna Verêne qezaya Payîzava ya Wanî de çalakîyêk viraşte. Çalakîya ke nêzdîya Qereqolê Gulîzerkê de qilêk de ameye viraştene de heme mewzîyî ameyî çînkerdene û 6 leşkerî ameyî kiştene û xeylî zî birîndar bîyî. Hêzê ma şîyî mewzîyan ser û tayî cebilxanyê dişmenî fîna dest û xeylî malzemeyê înan zî çîn kerd. Yewîya ma ya ke çalakîye viraşte weş û war resayê cayê xo.
Çarçeweya Hemleya Şorişgêre ya Şehîd Bager û Şehîde Ronya de 6’ê Teşrîna Verêne de hêzanê ma semedê şermezarkerdişê komploya 9’ê Teşrîna Verêne qezaya Geverî ya Colemêrgî de çalakîyêk viraşte. Çalakîya sabotajî ya ke nêzdîya Qereqolê Şîkefta de ameye viraştene de 2 leşkerî ameyî kiştene û 1 zî birîndar bi. Dimayê çalakîye herême ameye bombardûmankerdene.
4 û 6’ê Teşrîna Verêne de artêşa Tirkî ya îşxalkare mintiqaya Gelîya Avaşînî ya herêma Avaşînî û mintiqaya Şkefta Brîndara ya herêma Zapî bombardûman kerdî. Nê hêrişan de vînîbîyayeyê ma çîn ê.
Bayram Başkale û Dervîş Aydin Şehîd Nêkewtî
"Ma eşkerayîya xo ya 5'ê Teşrîna Verêne de dabi zanayene ke artêşa Tirkî ya îşxalkare wareyê Arpetî yê qezaya Westanî ya Wanî de operasyonêko îşxalkar dabi destpêkerdene û nê operasyon de 5 embazê ma şehîd bîyî. Nê embazan ra Artos ( Bayram Başkale) û Delîl ( Dervîş Aydin) ê ke ma sey şehîd îlan kerdîbî şehîd nêkewtî û weş û war resayê yewîyanê xo.''