Seba vîrameyîşê çar şehîdanê Heftanînî Mazlûm Rojhilat, Warşîne Avaşîn, Ferman Memyan û Sorxwine Amed...

Fermandar Mazlûm Rojhelat bi sereyê xo artêşe û gerîlayêko modern bi. Kesayetê ci pak, fedakar û zerrîzîz bi. O kamca de bi çêrî, serkewtiş, fedakarî, moral û coş zî uca de bîyî. O fermandaro rayber ê Cengê Heftanînî bi. Ey Xantûrî ra heta Şeşdara kede daye nê erdî.Vatişê ey 'Tîya Heftanîn o' yo. Embaz Mazlûm û embazê ci yê rayîrî Ferman Memyan 9ê tebaxe de pîya tewrê karwanê bêmergan bîyî. Oxir bo to rê teqîbkerdoxê Fermandar Egîdî.

Embaze Warşîne Avaşîn pê coşê azadîye pirr bîye. Heskerdişê ci yê seba koyan sey çêlik bi. A tim peyê cigêrayîşê azadîye de bîye. Aye ganê xo dabi na dewa û pê rîyê xo yê rindî verar şi erdê dadîya xo. To rê zî oxir bo embaza Zeryan û Mazlûman. Ma do roşîya to de raywanîya azadîye dewam bikerê.

Embaz Ferman Memyan sey koyan bi heybet bi, pê embazî û gerîlatîya xo dengizê aramîye bi. O fedayîyê raştîye û şerwanêko fedakar, fermandaro rayber bi. Şehadetê ey ma rê giran bi. Ma do vîrameyîşê ci bikerê pîlêr. O zî bi estareyêkê welatê ma.

Embaza mi Sorxwîne Amed kênaya rinde ya Efrînî bîye. A hem fedayî hem zî fedakar bîye. Aye tim waştêne ke şora Botan. Xeyalê ci nêmcet mendî. Ti zî embaza rayîrî ya Ferman Memyanî bîyî û şima hema roje zerrîyê xo dayî azadîye. Şima bîyî meymanê fedayîyanê Cengê Heftanînî.