Çeteyanê DAÎŞ’î dewa Kuleco ya herêma Germîyanî ya Başûrê Kurdistanî de hêrişê nuqteya kontrolî ya asayîşî kerde. Dima ra zî hêrişê dewêk kerd. Rîyê hêrişan ra 3 endamanê Asayîşî cuya xo vînî kerde û 2 sivîlî zî birîndar bîyî.
Mesuldarêkê Asayîşê Germîyanî pêhesna ke çeteyanê DAÎŞ’î vizêr bişewe dewa Kuleco ya bajarekê Kokisî de hêrişê nuqteyêka asayîşî kerdo.
Netîceyê hêrişî de 3 endamanê asayîşî cuya xo vînî kerda. Çeteyan dima ra zî dewa Kuleco topvaran kerde. Nê hêrişî de zî 2 dewijî, ke înan ray ewe cinî ya, birîndar bîyî. Birîndarî ameyî hewilnayene bi Nêweşxaneyê Şehîd Hejarî yê Kelarî.
