Kongreya Komelê Demokratîkî (KCD) û Partîya Herêman ê Demokratîkan (DBP) bi şîarê 'Pîya vera şerî haştîye vera tecrîdî azadîye' Çewlîg de kombîyayîşê şarî kerd. Hemserekê KCDyî Salîha Aydenîz û Berdan Ozturk, Wekîlê HDPyî Erdal Aydemîr, endamê HDPyî, temsîlkarê rêxistinan û hemwelatîyî tewrê kombîyayîşî bîyî.

Kombîyayîş de Berdan Ozturkî selam kerd wekîlo tepişte Îdrîs Balukenî û da zanayene ke îqtîdar pandemî sey bahane mojnena û asteng keno ke HDP şarî reyde bêro têhet. Ozturkî vat: ''Seba kurdan no prosesêko tarîxî yo. Dewlete bi şerî kena ke dewam bikera. La hînî ê nêeşkenê bi şerî payan ser o vinderê. Ma nê prosesî de reyna seba azadîya xo bedelanê pîlan do bidê.  Ma vera naye têna yew çi wazenê; bi hawayêkê rûmetên û azadî biciwîyê.''

Hemsereka DBPyî Salîha Aydenîz zî kombîyayîş de kurmanckî qisey kerd û vat ke kurdan heta nika zaf bedelî dayî.

Qiseykerdişan ra dima derheqê tedaya îqtîdarî de ercnayîşî ameyî kerdene.