Çewlîg de wezîro verên Yilmaz ame protestokerdene

Hetkarê serekê pêroyî yê AKP’yî Cevdet Yilmaz, hetê hemwelatijanê ke Mehlaya Kulturî de, çarçewaya projeyê Vurayîş û Averşîyayîşê Şaristankîyî de yenê xirakerdene ra ame protestokerdene.

Hetkarê serekê pêroyî yê AKP’yî Cevdet Yilmaz, Çewlîg de hetê hemwelatijanê  Mehlaya Kulturî ra ame protestokerdene

Mehlaya Kulturî ya Çewlîgî de, 15’ê Teşrîna Verêne ya 2018’î de çarçewaya projeyê Vurayîş û Averşîyayîşê Şaristankîyî de keyeyê hemwelatijan ameyî raşanayene û merasîmê eştişê bingeyî ame viraştene. Parlementerê AKP’yî yê Çewlîgî û hetkarê serekê pêroyî yê AKP’yî Cevdet Yilmaz û parlementerê AKP’yî yê Çewlîgî Feyzî Berdîbekî seba ke problemî rê çareserî bivînê kombîyayîş viraşt.

Kombîyayîş de pêşnîyar ame kerdene ke qismêk pere bidîyo ê keyeyanê ke keyeyê înan ameyê raşanayene û nêameyê awankerdene. Labelê wayîranê heqî no pêşnîyar qebûl nêkerd û hemverê parlementeranê AKP’yî yê ke tewrê kombîyayîşî bîyê reaksîyon da û vat, „Şima weçînitişan de ma xapênayî“, „Ma keyeyê xo yê verênî de roniştêne, kamî şima ra keyeyo newe waşt?“ Dima ra wezîr Yilmaz û parlementero AKP’yij Berdîbek cayê kombîyayîşî ca verda.