Çewlîg de Îdareyê Rêxistina HDPyî ya Çewlîgî, Endamê Meclîsê Partî yê HDPyî Murat Aydin û Wekîlê HDPyî yê Antalya Kemal Bulbulî dewê elewîyan zîyaret kerdî. Roniştoxanê nê dewan da zanayene ke rayîrê înan nêvirazîyenê û nêeşkenê xizmetanê umûmîye ra îstîfade bikerê.

Wekîl Bulbulî zîyaretî ra dima qisey kerd û ard ziwan ke destpêkê Komare ra nata dewanê elewîyan rê xizmet nêno kerdene. Bulbulî vat: ''Seba ke faktorê kurd-elewîyan hetê dewlete ra yeno înkarkerdene nê dewan rê xizmet nêno kerdene. Tîya erdê Amed, Dêrsimî yo, wareyê têkoşînî de. Ez bi taybetî dadîyan rê vana, çunke ê wayîrê ziwan û kulturê xo vejîyenê. Merdimî pê ziwan, erd, bawerî û erjanê xo estê. Eke nê qebul nêbê  estbîyayîşê merdiman nêno qebulkerdene. ma venga hukmat û dewlete danê ke wa nê cayan rê xizmet bikerê, waştişanê merdiman bîyarê ca.''