Hîrê rojanê peyênan de zimistan apey agêra Çewlîgî. Çewlîg de varayîşê vewre ra rayîrê dewan qefilîyayî. Qezaya Çewlîgî ya Kanîreşî de zî vewre resaye di metreyan û banî binê vewre de mendî.

Taxa Kanîtextî ya Kanîreşî de xeylêk banî binê vewre de yê. Hemwelatîyî kenê ke vewre pakî bikerê. Hemwelatîyî seba ke bieşkê keyeyanê xo ra vejîyê 'korîdorî' akenê.

Hetê bînî ra dima ke vewre reyna şaristan girewt binê tesîrê xo merkeze de 22, Dara Hênî de 18, Kanîreş de 17, Bongilan de 9, Çermê de 2, Xorxol de 2 û Azarpêrt de 24 bi temamî  rayîrê 94 dewan qefilîyayî. Vewre ra rayîrê Erzirom-Çewlîgî zî qefilîya.