Çewlîg û Dêrsimî de her serre zimistanan de binê nameyê ''turîzmê seydwanîye'' de heywanê koyîyî yenê qirkerdene. Eşkera bi ke Mudirîya Pakanê Mîlîyan û Pawitişê Xoza qezaya Gêxî ya Çewlîgî de zafê ci leşkerî 25 kesan rê 'perwerdeyê seydwanîye' dayo.

Goreyê agahîyanê ke çimeyanê herêmîyan ra ameyê girewtene Mudirîya Parkanê Mîlîyan û Pawitişê Xoza ya Çewlîgî ya ke erkê ci pawitişê xoza yo, perwerde dana seydwanan.

Hemwelatîyo/a ke nêwaşt nameyê xo bido/a vera mudirîye nêrazîbîyayîşê xo mojna û vat: ''Wezîfeyê înan nîyo ke qirkerdişê heywanan ser o perwerde bidê. Eke Çewlîg de seydwanîye dewam bikera mîyanê çend serran de do heywanê koyîyî nêmanê. Binê nameyê seydwanîye de heywanî yenê qirkerdene. No nêno qebulkerdene.''