Vervatoxê Grûba HDPyî ya Meclîsê Şaredarîya Çewlîgî Ferhat Yildirim eşkerayîyêka nuştekîye daye. Yildirimî îhaleyê îdareyê otoparkan vist vîrî û pare kerd ke ganî nê îhaleyî de ameyeyê otoparkan pêro taxan rê bi hawayêkê edîlî bêrê vilakerdene.

Yildirimî ard ziwan ke şarê Çewlîgî cara asta feqîrîye de yo û vat: ''Sermayegozarîyê ke seke Çewlîgî rê ameyê kerdene asenê esasê berardişî ser o nîyê. Nê sermayegozarîyan ekonomîya şaristanî xurt nêkerde. Kredîyanê zîret û heywankarîye zî têna ê zengînî reyna kerdî zengîn. Ma sey Grûba HDPyî pare kenê le eke bedelê otoparkan vaye bibo bedelê bînayan zî do bizêdîyo. No zî do zerar bido şarê ma.''

Yildirimî nameyê Grûba HDPyî ser o mabênê 6 û 10 TLyî de bedelê otoparkî pêşnîyaz kerd.