Fermandara Qerargehê Merkezî yê YJA-Starî Zozane Çewlik cewab da persanê ANFyî û têkoşînê 2021î ercna. Beşê diyînî yê qiseykerdişî wina yo:

''Gerîlatîye terzêko şerî yo ke bindestî, şarî, hêzê qijî vera hêzanê hîna pîlan anê ca. Têgêrayîşê ma terzê gerîlatîye yê Vietnam û Çînî ra îlham girewt û sîstemê xo yê gerîlatîye awan kerd. La rêxistinîya gerîlatîye goreyê çaxan şikl gêno. Ma gerîlatîya dewrê neweyî awan kerde. Bi taybetî 2021 de gerîlatîya modernîteya demokratîke ameye ceribnayene. Ma na çarçewe de terzê tîman ard ca. Ma netîceyanê pratîkanê xo de dî ke serra 2022î de gerîlatîya serkewtişî eşkena bêra caardene. Oyo ke wesfê bêmexlûbîye dano gerîlayan tewiro îdeolojîk o yanî Apogîrî ya; perwerîya bi şehîdan û Rayberîye ya.

Gerîlayê YJA-Starî wayîrê mîrasêkê azadîye û erjanê kokî yê. Têkoşînê azadîye yê cinîyan pê bedelan, pê keda Sara, Bêrîtane, Zîlane û Semayan ronîya. Xeylêk waran de embazan ê cinîyan rolê rayberîye girewt xo milî. Gerîlayanê YJA-Starî Zagrosan, Koyê Cîloyî, koyanê Dêrsimî, Amed, Metîna, Heftanîn, Xakûrkê, Gever, Garzan û Mêrdîn de mewzîyî pawitî. Serra 2021î seba ma a serre bîya ke şerê şorişgêrî yê şarî de gerîlatîya cinîyan ê azadan vejîyaye werte, aktîf bîye û sîstemê ci ronişt.

Ma nê şeran de embazê xo yê rindî vînî kerdî, bedelê giranî dayî. Nê embazê ma yê çêrî homayê modernî yê nê çaxî yê. Homayê xopawitişî yê. Embazanê ma yê cinîyan ê sey Adîfe Kanîreş, Veroze Ovacik, Eyleme Zewkan, Sozdare Kerboran, Delale Mûş xeta fermandarîye esasê Rayberîye ser de temsîl kerde, înîsîyatîfî girewtî û kedê pîlî dayî. Averşîyayîşê gerîlatîya cinîya azade reyde projeyê newe ra awanbîyayîşî bi musbet. No seba têkoşînê azadîye ya cinîyan gamêka zaf girînge bîyo. Ma sey gerîlayanê YJA-Starî biîdîa yê ke bibê hêvîyê cinîyanê dinya û seba înan çimeyê îlhamî yê xoverdayîşî ronê, modelê rêxistinîye vejê werte. La hema zî ma nêeşkayî xeta xo ya xopawitişî pêro dinya ra vila bikerê, vera şîdetî alternatîfê pawitişî awan bikerê û pêro hewcedarîyanê cinîyan rê cewabêk bivînê. Xora ma destkewte, serkewtiş û averşîyayîşê pîlî vistî destî. La wexto ke ma vergirewtişê faşîzmî de û safhaya rêxistinîye de kêm mendî.

Bîlançoya çalakîyan a emserîne ya YJA-Starî wina ya:

-Emser 114 embazê ma yê cinîyî şehîd bîyî.

-5 embazê ma yê cinîyî esîr kewtî.

-Hêzanê YJA-Starî 116 çalakîyî kerdî. Nînan ra 25ê ci çalakîyê sabotajî, 22ê ci çalakîyê suîkastî, 24ê ci çalakîyê bi çekanê giranan, 24ê ci çalakîyê bi çekanê taybetan, 2ê ci çalakîyê dafike, 1ê ci çalakîya hêrişî, 1ê ci çalakîya dafikî û ê bînî zî çalakîyê bi çekanê termal, nêmotomatîk û ferdîyan ê.

Netîceya nê çalakîyan de;

-136 leşkerê dişmenî ameyî kiştene.

-1 kontra û 2 qoricîyî ameyî cezakerdene.

-38 leşkerî ameyî birîndarkerdene.

-2 wesayîtê kîrpî, 1 wesayîtê bi tîpê Amorogî, 1 wesayîtê bi tîpê transîtî, 1 wesayîtê bi tîpê Reoyî, 1 kamyon ameyî îmhakerdene.

-5 helîkopterî ameyî pirodayene.

-4 çekê A4î, 17 mewzîyî, 1 îstasyonê bazî, 1 mobesa, 1 dron, 1 kepçe ameyî îmhakerdene.

Ma hê dekewenê serra newîye. Ez verî serra newîye ya Rayberîya ma, şarê ma û cinîyan fîraz kena. Ez embazanê zîndanan rê sebr wazena, wa ê bizanê ke ma do qetî înan uca ra vejê. Hêzanê ma serra 2021î de xoverdayîşêko pîl mojna. La no xoverdayîş nêeşka tehlukeyê vera Rayberîye û têgêrayîşê ma bi temamî berteref bikero. Seba serkewtişî qetî yo ke xoverdayîş zaf hetan ra bêro kerdene û waranê demokrasî, kultur, çapemenîye, sosyal û sîyasalî de şero şorişgêr ê şarî bêro rojdemkerdene. Şero şorişgêr ê şarî têna şerê gerîlayan nîyo. Nê hêrişî hêrişê îdeolojîkî yê. Coka têkoşînê ma zî ganî îdeolojîk bibo û pê metodanê zengînan bêro caardene. Ma prosesêkê normalî ra derbaz nêbenê. Naye ra bi hêz, bawerî û paştdayîşê destkewteyanê têkoşînî ma ganî hîna biîdîa bikewê serra newîye.

Her çî ra verî rewşa Rayberîya ma hema zî cidî ya. Wezîfeyo verên o ke seba azadîya Rayberîye çalakîyî bêrê averberdene. Ganî şarê dinya û Tirkîya zî tewrê nê têkoşînî binê. Ganî rêxistinê ma yê binzemînî rêxistinîye û çalakîyanê xo aver berê, polîtîkayanê sey fuhuş, ajanîye, şer, bêkarîye îfşa bikerê. Ganî cinî û şarê ma vera polîtîkayanê faşîzmî bieşkê xo bipawê, xopawitişî aver berê û xo rêxistin bikerê. Ganî ma wezîfeyanê xo yê nêmcetan temam bikerê û pêro mesuldarîyanê xo bi serkewtişî bîyarê ca. Sere de AKP-MHP ganî ma pêro îqtîdaranê faşîstan bin bikerê. Ma pê qerardar ê ke qetî ser bikewê û dişmenî Kurdîstan de bin bikerê. Ma bi na îdîa hê dekewenê 2022. Ma pê bawer ê ke serkewtiş do bibo ê gerîlayan, cinîyan û şaran.''