Endamê HDPyî Musa Çîftçî 7ê adare de bendê kontrolî yê Hewlêrî de hetê PDKyî ra amebi destbendkerdene û a roje ra nata tira xeberêke nêna girewtene. Dîya zanayene ke Çîftçî Asayîşê Pêroyî yê Hewlêrî de tepişîyeno.

Çîftçîyo ke Colemêrgî yo, 6 serrî verî sebebanê sîyasîyan ra koçê Herêma Federale ya Başûrî kerdbi û keyeyê xo reyde Hewlêr de ciwîyayêne. Goreyê agahîyanê ke ameyê girewtene Çîftçî do hema 15 rojan nezaret de bimano.

Cinîya Musa Çîftçîyî Husna Çîftçî pare kerd ke mêrdeyê ci hewteyêk o destbendkerde yo û ê rewşa ey ra qerqilîyenê. Husna vat: ''Mêrdeyê mi 6 serran Silêmanî de ciwîya. 8 rojî verî bêxeber ame destbendkerdene. Ma tira nêeşkenê xeberêke bigêrê. Ma cuya ci ser o qerqilîyenê. Ez musaya ke o Asayîşê Pêroyî yê Hewlêrî de tepişîyeno. Herême de bi rayîrê temsîlkarîya Neteweyanê Yewbîyayeyan statuyê multecîtîye girewte. Coka ma muracatê NYyî kerd la înan ma rê vat 'Ma nêeşkenê çîyêk bikerê.' ''